十种古代的煮食器皿的粤语读音，你会读多少个？

现代嘅广东人形容食大餐，好多时都会话“食九大簋”。查实“簋”系商周时期，用嚟装熟食嘅青铜容器，亦系一种礼器。“簋”嘅外形特点系圆口，有双耳。

“彝”喺古代系一种祭祀用嘅礼器，亦系一种装酒嘅容器。

“罍”亦系一种装酒嘅容器，不过其容量则略少于彝。其外形有圆形与方形两种形状。圆形嘅罍最早出现喺商代初期，而方形嘅罍出现喺商代晚期。

“觚”系古代嘅其中一种酒杯，其外形系开口、长身。如图所示，呢种平稳落地嘅圆底结构喺古代称之为“圈足”。“觚”盛行于商代早期及西周。

“斝”呢种装酒嘅容器相信大家喺古装电视剧里头都经常会见到，如图所示，其外形与觚相差甚远，特点系三足一耳，开口处仲有两条小柱。斝系用嚟装温酒嘅青铜酒器，据说商汤王打败夏桀之后，就将“斝”定为御用嘅酒杯。

“罂”喺古代系一种装水、储粮嘅容器，外形小口大肚。而到咗现代，广府人将储钱罐称为“钱罂”。

“瓿”喺古代系用嚟装酒水或者装调味料嘅容器，有青铜制品与陶制品两种。

一到冬天，广东人就最钟意“打甂炉”，“甂”系指一种小瓦盆。

“鬲”喺古代相当于现代嘅电饭煲，专门用嚟煮饭嘅。

而与“鬲”配合使用嘅就系“甑”（如上图）。“甑”系一种蒸食用具，从图中可见此蒸具底部有小孔，古人会将“甑”放喺“鬲”上面，利用“鬲”嘅蒸汽将“甑”里面嘅食物蒸熟。喺陕西有一种风味小食叫“甑糕”。就系用此原理用铁甑蒸制而成。

来源：粤动态　　　　　　　　　　　 　 　                                            由广州轩明文化发展有限公司　提供